Tuin Takang dedo Tuin Boneng

"Adi, iyu pe asin-asin oq melubit kayu ja pe teneng ke lepau eq to, ngkey oq melubit kidi keq unoq ka pe" kedaau Temuing Takang me'ah ke deq toyang. "Ja! ya ne kenai e toyang". Daau kenai derem lubit babui biyoq jaq Temuing Boneng alaq ja ne lubit. Marung-marung petentan keq sokaq lepau Temuing Takang sokat pedaram iya. "Tajinselin noq Temuing Boneng jaq nta un ngening daau du payen" kedaau Temuing Takang nunoq deq toyang. Kunye na'at jaq lubit keq sokaq lepau e. "Ato toyang!Ato toyang!Ato toyang! kedaau Temuing Takang tombak daau ke nyelama deq toyang Temuing Boneng. "Iya un maq dalem koden ki toyang. Un bekerang keq paah. Oman noq la'u lan noq tai ngasu ore. Biyoq lepau ji ukoq to nyiyai babui biyoq to ji" kedaau Temuing Takang pelolo ke nyelao Temuing Boneng. Petem ngeso lepe laset Temuing Boneng lamaq pabat babui jaq iya melubit ja. Majan Temuing Boneng penteng lelat e lamaq mentung e nyekeleh dalem lepau deq toyang. Keq dembau paah un kita kedi'ut tetuk siyai. Nta un kita bekerang ke dempau paah. Nta un kita maq keq dembau atang. Dalem kimet Temuing Boneng, iya memang koma deq toyang nyelao tuwaq. Kedi'ut pe Temuing Boneng nta un ngelan Temuing Takang odai. Nta un isu e, iya sain-sain ke Temuing Boneng miit babui e tai ke lepau e tengen......