Tipet Kenyah

Senganak senganak ngan tuyang e' mung.. Pengudip tepat Kenyah cen senaa', abe' naki ne, nyenteh tawai ke uyan uma tua' le, man le meta penguman ngan pengudip.
Ja pengalai e, lepa re lidik (underbrushing) ngan nepeng (clearfelling)... Ida ke nutung (burning) ngan nugan uma re..
Jadi, singket-singket gayeng je ida ke uyan, ida un palan (pantang larang) ngan tipet lote.. Dalau re ca' ngelan Bali Dayung, Bungan Malan ngan Bali Pelaki..
(Tipet Nutung)
Ame' ke nutung leka' nutung tana' nempam oo,
Iko' bada' ne me Bali Nggau tepodau,
Bali Leneh Bali Lideh,

Meka pe Bali Lisen Bali Amen,
Ngan Bali leka' Bali Tana'
Apan re nta tecu teba'u
Kise' me' ke nutung ne ji nempam
(Tipet nugan)
Ya kise' me' ke menjem pakat njem pakat dalem,
Ke puun Orai puun padai me' lepo' ji,
Ya kise' me' ke momat ke menat,
Apan meki lote kenai orai kenai padai lepo' me' ji penat nai pomat,
Ya kise' me' ke migai miyai orai padai mame' lepo' ji,
Abe' lia abe' sada
Ja Bali Esit,
Ia me' ke mepan ke nugan,
Ka'i tuwi Bali Esit
Nai ne o' ngkin orai ngkin padai de tiga,
Padai tiga sin tiga puun,
Tigak pak tiga onak,
Tiga seli sebangi,
Uko' apau yung apau latung,
Apau ping apau nyanting ne padai me',
Muo sekam muo salam ne,
Lepo' pipa penyada me',
Taan se' orai se' padai me',
Beng padai de tiga inan tiga boan,
Tiga kang tiga luang,
Ngeluang buut ngeluang basut,
Ngeluang nakan ngeluang kian,
Le ne padai iko' nak me ame'